‘नमस्ते ट्रम्प’

सोमवारी अमेरिकेचे राष्ट्रपती डोनाल्ड ट्रम्प यांनी अहमदाबाद आणि आग्रा येथे भेट दिली. अहमदाबाद येथील मोटेरा स्टेडियममध्ये ‘नमस्ते ट्रम्प’ या कार्यक्रमाचं आयोजन करण्यात आलं होतं. आणि अख्या जगाचं लक्ष असणार्‍या या दोन महासत्तांमध्ये काय खलबतं होतात याबाबत जिज्ञासा होती. मात्र आपल्या देशातील अनेक विद्रोही शक्तींना पाकिस्तानचा जसा काही तिळपापड व्हावा त्यापेक्षाही यांचा तिळपापड होताना पाहायला मिळाला. एकीकडे आम्ही देशाचे कैवारी म्हणून मिरवणारे काल जगातील सर्वात मोठ्या क्रिकेट स्टेडीयमच्या बाबतीत प्रश्‍नचिन्ह निर्माण करत होते तर काही महर्षी ट्रम्पच्या भारत दौर्‍यातील भारताकडून होणार्‍या अनावश्यक खर्चावर ताशेरे ओढून यांच्या ओकार्‍या घालत होती. अमेरिकेचे राष्ट्राध्यक्ष दोन दिवसीय भारत दौर्‍यावर आले असून आज त्यांच्या दौर्‍याचा दुसरा आणि शेवटचा दिवस सकाळी 10 वाजता डोनाल्ड ट्रम्प आणि त्यांची पत्नी मेलानिया ट्रम्प यांचं राष्ट्रपती भवनात पारंपारिक पद्धतीने स्वागत करण्यात आलं. भारतीय सैन्यदलाकडून ’गार्ड ऑफ ऑनर’ देखील देण्यात आला. यादरम्यान भारताचे राष्ट्रपती रामनाथ कोविंद आणि पंतप्रधान नरेंद्र मोदी देखील उपस्थित राहणार आहेत. सुत्रांनी दिलेल्या माहितीनुसार, यावेळी ट्रम्प यांच्या स्वागतासाठी उपस्थित असलेल्या भारतीय प्रतिनिधिमंडळात अमित शाह, राजनाथ सिंह, एस जयशंकर, रविशंकर प्रसाद, डॉ. हर्षवर्धन, जिंतेंद्र सिंह आणि हरगीप पूरी उपस्थित राहीले होते. यानंतर सकाळी 10.45 वाजता ट्रम्प आणि मेलानिया राष्ट्रपती भवनातून थेट राजघाटावर जाऊन महात्मा गांधींच्या समाधीला अभिवादन करणार आहेत. सकाळी 11.30 वाजता नवी दिल्लीमधील हैदराबाद हाऊसमध्ये पंतप्रधान मोदी आणि अमेरकेचे राष्ट्रपती डोनाल्ड ट्रम्प यांच्यात द्विपक्षीय चर्चा झाल्या. यादरम्यान, अनेक मुद्यांवर दोन्ही देशांमध्ये चर्चा झाल्या. परराष्ट्र सचिवांनी दिलेल्या माहितीनुसार, या चर्चेत दहशतवाद, सुरक्षा आणि व्यवहार यांसारख्या अनेक मुद्दयांवर दोन्ही नेते चर्चा करण्यात आली. त्यानंतर दोन्ही दिग्गज नेते आपली मतं मांडली गेली. मेलानिया ट्रम्प दिल्ली येथील सरकारी शाळांमधील हॅप्पीनेस क्लासचा दौरा करून मुलांना भेटणार आहे. दुपारी तीन वाजता अमेरिकेच राष्ट्रपती यूएस दुतावास येथे जाऊन भारतातील मोठ्या उद्योगपतींना भेटणार आहेत. संध्याकाळी जवळपास 7.25 वाजता ट्रम्प राष्ट्रपती भवनामध्ये राष्ट्रपती रामनाथ कोविंद यांना भेट . रात्री 8 वाजता राष्ट्रपती भवनामध्ये डोनाल्ड ट्रम्प आणि मेलानिया ट्रम्प यांच्यासाठी स्नेहभोजनाचा कार्यक्रम आयोजित करण्यात आला.  दरम्यान, सोमवारी अमेरिकेचे राष्ट्रपती डोनाल्ड ट्रम्प यांनी अहमदाबाद आणि आग्रा येथे भेट दिली. अहमदाबाद येथील मोटेरा स्टेडियममध्ये ’नमस्ते ट्रम्प’ या कार्यक्रमाचं आयोजन करण्यात आलं होतं. यावेळी बोलताना ट्रम्प म्हणाले की, अमेरिकेचं भारतावर प्रेम आहे. पुढे बोलताना ते म्हणाले की, ’अमेरिका भारताचा आदर करते आणि अमेरिका नेहमीच भारतीय नागरिकांचा इमानदार मित्र राहिल. आम्ही आयएसआयएसला शंभर टक्के संपवलं आहे. आम्हाला दहशतवादाची विचारधारा संपवायची आहे. याआधी डोनाल्ड ट्रम्प आणि मेलानिया ट्रम्प यांनी साबरमी आश्रमाचा दौरा केला होता. ट्रम्प यांचं राष्ट्रपती भवनामध्ये आगमन आणि स्वागत केलं , त्यानंतर राजघाटावर महात्मा गांधींच्या समाधीला अभिवादन करण्यात आलं, हैद्राबाद हाऊसमध्ये मोदी आणि ट्रम्प यांची भेट झाली. या भेटीनंतर दोघेही सहमती करारावर आपली मतं व्यक्त करण्यात आली. जवळपास 3 वाजता अमेरिका दुतावास येथे असणार्‍या रुजवेल्ट हाउसमध्ये बिजनेस इव्हेंटचं आयोजन करण्यात आले होते. दुतावासात मी अ‍ॅन्ड ग्रीट संपन्न झाले, संध्याकाळी जवळपास 4 वाजता ट्रम्प पुन्हा हॉटेलवर परतले.
तत्पूर्वी काल म्हणजे सोमवारी अमेरिकेचे राष्ट्रपती डोनाल्ड ट्रम्प यांनी साबरमती आश्रमाला भेट देऊन महात्मा गांधींना श्रद्धांजली वाहिली. अहमदाबाद विमानतळावरून ट्रम्प यांचा ताफा थेट साबरमती आश्रमाकडे गेला होता. पंतप्रधान नरेंद्र मोदींनी डोनाल्ड ट्रम्प आणि मेलानिया ट्रम्प यांचं आश्रमता स्वागत केलं. त्यानंतर शॉल देऊन ट्रम्प आणि त्यांची पत्नी यांचा सन्मान केला. त्यानंतर मोदींनी त्यांना आश्रम दाखवला. आश्रमात ट्रम्प यांनी महात्मा गांधीजींचा चरखादेखील चालवला. तसेच मोदींनी त्यावेळी चरख्याशी संबंधित इतिहासाबाबत त्यांना माहिती दिली. डोनाल्ड ट्रम्प आणि मेलानिया ट्रम्प चरखा पाहून हैराण झाले होते. त्यावेळी पंतप्रधान नरेंद्र मोदींनी त्यांना चरखा कसा चालवायचा? याबाबत माहिती दिली. त्यानंतर पंतप्रधान मोदी यांनी आश्रमातील लोकांना त्यांच्या मदतीसाठी बोलावण्यात आलं. त्यानंतर ट्रम्प यांनी गांधीजींच्या तीन माकडांना पाहिलं. पंतप्रधान मोदी यांनी त्यांना या माकडांबाबत सांगितलं. आश्रमातून निघताना राष्ट्राध्यक्ष डोनाल्ड ट्रम्प यांनी अभिप्राय पुस्तिकेमध्ये संदेश लिहिला. ट्रम्प यांनी पंतप्रधान मोदींना धन्यवाद दिलं. त्यांनी लिहिलं की, ’’माझे प्रिय मित्र पंतप्रधान नरेंद्र मोदी... धन्यवाद, अप्रतिम भेट!’ परंतु, त्यांनी अभिप्राय पुस्तिकेत महात्मा गांधींबाबत काहीच लिहिलं नाही. एकूणच काल आणि आजच्या पार पडलेल्या नमस्ते ट्रम्प या कार्यक्रमात भारताला सापेक्ष अशा घडामोडी घडल्याने अंतरराष्ट्रीय पातळीवर भारताचा आणि नरेंद्र मोदी यांच्या दूरदृष्ट्या नेतृत्वाचा प्रभाव पडाल्याने देशात सकारात्मक वातावरण निर्माण झालेले आहे.