उदगीरात ३ रूग्ण पॉझिटिव्ह, उपजिल्हा रुग्णालयातील २६ स्वॅबपैकी १८ अहवाल निगेटिव्ह

उदगीर/बस्वराज बिराजदार:-  विलासराव देशमुख शासकीय वैद्यकीय विज्ञान संस्थेत दिनांक २६ एप्रिल २०२० रोजी उपजिल्हा रुग्णालय, उदगीर येथील २६ व्यक्ती, चाकुर येथील १ व्यक्ती व या संस्थेतील ७ असे एकुण ३४ कोरोना (कोविड १९) संशयित व्यक्तींच्या स्वॅबची तपासणी करण्यात आली होती. त्यापैकी या संस्थेतील ७ व चाकुर येथील एका व्यक्तीचा अहवाल निगेटीव्ह आला असुन उपजिल्हा रुग्णालय, उदगीर येथील १८ व्यक्तींचे अहवाल निगेटीव्ह आले आहेत व ३ व्यक्तींचे अहवाल पॉझिटीव्ह आले असुन २ व्यक्तींचे अहवाल (खपलेपलर्श्रीीर्ळींश) आले असल्यामुळे या दोन व्यक्तींचे ४८ तासानंतर स्वॅब घेवून पुनर्तपासणी करण्यात येणार आहे व ३ व्यक्तींच्या स्वॅबची तपासणी करण्यात आली असून अहवाल प्रलंबित आहेत.          आज दिनांक २७ एप्रिल २०२० रोजी उदगीर येथील ३०, अंबाजोगाई येथील २ व या संस्थेतील १ व्यक्तींच्या स्वॅबची तपासणी  प्रक्रिया चालु आहे अशी माहिती  डॉ. गिरीष ठाकुर  अधिष्ठाता, विलासराव देशमुख शासकीय वैद्यकीय विज्ञान संस्था, लातुर यांनी दिली.